NAGPAHID ako ng mga luha ko at inayos ang sarili ko. Pinulot ko ang mga larawan na nagkalat sa sahig. Kinuha ko rin ang kalahating saging na hindi ko naubos na kasamang nalaglag kanina. Nais ko na agad makita si Tristan at pati na rin ang daddy ko upang usigin sila.
Malalaki ang hakbang kong lumabas ng beach house at nag-aagaw na pala ang kadiliman sa paligid. Pagkababa ko ng hagdanan ay nakita kong papalapit ang daddy at si Tristan na nagtatawanan. Tila may pinag-usapan ang mga itong sila lang din ang nakakaalam.
“Oh, Gigi. Akala ko ay nagpapahinga ka? Mukhang hindi yata maganda ang gising mo, anak,” ngiting sambit ng daddy ko.
Nilapitan ko silang dalawa na masama ang timpla ko at kay Tristan agad ako nakatingin. “May itinatago ka ba sa akin, Tristan?”
Kumunot ang noo niya na sumu
