Noong isang araw pa ako problemado, kase hindi ko alam kung saan napunta si RM. Iyong Cactus na kabibili ko. Pinangalanan ko na siyang RM kase nga siya iyong bride ni MJ. Pero ilang linggo na ang nakakalipas. Hindi ko pa rin siya nakikita. Sa pagkakaalam ko kase naiwanan ko siya sa kotche ng hinayupak na Mikhael na iyon. Na hanggang ngayon ay pinagtataguan ko.
Hindi ko kase gusto iyong ipinararamdam niya sa akin. Alam ko na hindi pwede. Hindi ako ipinanganak kahapon para hindi malaman kung saan papatungo iyon. Ayokong masaktan na parang si Sta. Maria.
Inaamin ko naman na gusto ko siya. At tama siya, nagseselos ako kay Samantha kahit wala naman akong karapatan. Pero hinding hindi ako aamin kahit patayin pa nila ako ngayon. Kahit itago pa nila iyong pagkain sa buong mundo. Titiisin ko na,
