EPISODE 11:
MISS VENUS’ PERSONAL ASSISTANT
Lumabas na muna ako galing sa kwarto ni Danerie para pumunta sa kusina. Ipagluluto ko siya ng may sabaw sana para naman maka-inom na rin siya ng gamot mamaya. Napatigil ako nang makita ang ref niyang dalawa ang pinto.
“Ay ang bongga. Ang yaman talaga nito ni Pogi…” nakangiting pahayag ko.
Para akong baliw rito na kinakausap ang sarili ko habang manghang-mangha sa ref niyang dalawa ang pinto. Naghanap na lang din ako ng puwede kong lutuin sa loob at halos lahat ng mga nandoon ay mga hindi pamilyar na gulay sa akin. Mabuti na lang at nakahanap ako ng dahon ng kangkong at talong doon pati na rin mamahaling pork belly kaya napag-isipan kong ipagluto na lang siya ng maasim-asim pa na sinigang.
Kasing-asim ng tiyahin kong si Chang Belinda at ang la
