Kabanata 188
Harvey's POV
Nagbihis muna kami ni Tope sa kanya-kanyang mga silid, sinuot namin ay fitted black suit na magaan lang sa katawan namin, naglagay rin kami ng mga kagamitang magagamit namin mamaya sa pagpasok at pagmamanman sa loob ng bloke na papasukin naming dalawa.
"Mauna muna tayong magmasid sa rooftop, Tope. Para naman alam natin kung saan tayo papasok o saan ang walang mga tauhang nagbabantay." Kinuha namin ang mga night vision eyeglasses namin, saka sinuot.
"Ano nga palang nangyari sa iyo kanina, Harvey? Bakit parang panay ang tawag mo sa pangalan ni Ella? May nangyari bang nakakaiyak sa panaginip mo? At nakikitaan din kita ng mga nagbabadyang luha sa mga mata mo." Matamang nakatuon sa akin ang mga mata ni Tope at naghihintay ng sagot ko
"Saka na lang natin pag-usapa
