Kabanata 156
Lee’s POV
Sabay kaming pumasok ni Harold ngayon sa paaralan, may dala na kasi siyang damit nang dito siya natulog sa amin, bali dalawang gabi siya rito sa amin nag-stay. Pinayagan naman siya ng daddy niya na rito matulog sa amin. Bangag kaming dalawa ngayon, kulang kami sa tulog kasi magdamag kaming naglaro ng online games. Pero mas marami kaming pinag-usapan, patungkol sa dinukot na tauhan nila sa LIT.
Narinig kasi namin ang usapan ni daddy at kuya kagabi, kasama ang daddy ni Harold. Tungkol sa kanilang kinaaabalahan sa hideout kahapon. Nakita na raw ni Harold ang tauhan nilang iyon. Pero hindi nga lang niya palagiang nakikita. Si Cindy lang kasi ang naglakas loob daw na lapitan siya at ipaalam na isa siya sa nagtatrabaho sa LIT.
