Halos tumigil ang pagtibok ng puso ni Heaven. Hindi niya inaasahan na makikita niya si Aleck sa restaurant na iyon. Ayon kay Evo ay patay na ito at simula nung malaman niyang buntis siya at maselan ang kanyang kalagayan hindi na siya nag-aksaya ng panahon na ipahanap ito.
Mabigat man sa loob ay minabuti niyang alagaan ang sarili at ang magiging anak.
Kunwari ay hindi niya ito nakita kaya nagpanggap na lamang na nakikipag-usap sa lalaki at malambing na kumapit si Heaven sa braso ng kasama hanggang makarating sa bakanteng mesa.
“Ace, nandito siya.” anunsyo agad ni Heaven sa kasama. “Huwag kang lalambot-lambot d'yan.” nginuso niya kung saan nakaupo si Aleck.
“Ay ang taray! Kahit maghubad ka pa sa harap ko malambot talaga 'to doc. Ano ba? Nasaan?” nataranta na sagot ng baklang kasama ni
