Inilihis ni Kelly ang kurtina na nakatakip sa bintana ng silid nila sa itaas nang marinig ang pagparada ng sasakyan sa harap ng bahay nila. Nanlaki ang mga mata niya sa pananabik nang makita kung sino ang naroon— mabilis siyang lumabas ng silid at bumaba.
Pagkarating sa living area ay inabutan niya si Kimmy na pasalampak na naupo sa sofa kasunod ang mga magulang niya. Nasa likuran ng mga ito ang kasambahay na siyang nagbukas ng pinto para sa mga ito at ang lalaking assistant ni Brad na ni Josh. Ito ang pinakiusapan niyang magsundo sa buo niyang pamilya sa airport dahil nagkaroon ng emergency meeting si Brad sa mga empleyado at hindi magawang makaalis kaagad.
"Ma, Pa!" halos takbuhin niya ang hagdan sa pagbaba na ikinalaki ng mga mata ng mga magulang.
"Por Diyos, Por Santo, Kelly! Baka
