BIHIRANG makaramdam ng kaba si Luna. Pero sa pagkakataon na yata ngayon ay todo ang nararamdaman niya. Ang nakakatawa pa ay wala naman talaga dapat na ipangamba, lalo na sa kagaya niya. She had met and face a lot of high ranking officials and big personalities due to her business. Pero kahit kailan ay hindi siya kinabahan. Kaya bakit ngayong mga magulang ni Seymor ang haharapin niya ay daig pa niya ang haharap sa giyera? Hindi siya mapakali. Ilang beses rin niyang nakurot sa tagiliran si Seymor dahil sa inis niya sa ginawa nito. Pero hindi pa rin ito nagpapigil.
“Behave, wife.” Wika ni Seymor nang makababa sila. Kinindatan siya nito at hinapit ang baywang niya palapit rito.
Pinandilatan niya ito ng mata. May punto naman ngayon ang kanyang “asawa”. Dapat nga naman
