Nakaupo kami dito sa isang restaurant habang hinihintay namin si Niña dahil nagorder siya ng foods. Ang awkward ng feeling, hindi nga ako makatingin sa kanya eh. Feel ko naman nakatitig si Justine sakin!
Lumingon ako sa kanya at tinignan kung nakatingin nga siya at nagulat ako ng nakatitig siya sakin kaya bigla akong nag-iwas ng tingin, feeling ko ang pula-pula na ng pisngi ko.
"Irene!" Tawag niya sakin kaya napalingon ako sa kanya.
"B-bakit?" Nauutal kong tanong.
"Pwede ba tayong mag-usap?" Tanong niya.
"Nag-uusap na tayo!" Pamimilosopo ko sa kanya at kita kong napangisi siya.
"Hindi ka parin talaga nagbabago!" Sabi niya habang tumatawa.
"Ano bang sasabihin mo?" Naiilang na tanong ko.
"Tungkol satin!" Sabi niya kaya napatingin ako sa kanya.
"A-anong satin?" Tanong ko.
