“Ate Talitha, nakahanda na daw po ang almusal,” sabi nang siyam na taong gulang na batang babae kay Talitha. Humihingal pa ito habang nagsasalita dahil tumakbo ito mula sa kubo sa di kalayuan patungo sa kanya dito sa dalampasigan.
Kinailangan pang sumigaw ng bahagya ng bata dahil medyo malayo siya sa dalampasigan. Lumusong siya sa tubig at hanggang binti na niya ang taas nito. Nakaugalian na niyang mamulot ng iba’t ibang klase ng lamang-dagat kapag umaga sa tabing-dagat. Niluluto nila ni Jace ang mga ito upang gawing ulam, samantalang ang mga shells naman ay iniipon nila upang gawing decorations na nabebenta naman ng nanay ni Jace na si Aling Celing sa kabayanan ng Marbella kapag pumupunta ito roon.
Dalawang linggo na siya rito sa Isla Sansilingan at unti-unti na niyang nakakasanayan an
