Kumusta naman ang first day mo?” tanong ni Cel nang bumalik sila ni Talitha sa kanilang table matapos mag-order ng pagkain. Nasa school canteen sila ngayon para sa tanghalian.
Bahagya siyang napangiti. “Okay naman,” sagot niya habang inilalapag sa mesa ang tray ng pagkain.
“Sa tingin ko ay ganoon nga,” makahulugang sabi ni Cel habang umuupo. Dinampot nito ang mga kubyertos. “Balitang-balita sa buong campus ang bagong estudyante natin na foreigner. Iyong Italian.”
Talitha raised her eyebrow. “Correction. He is half-Filipino, half-Italian.”
“Whatever,” bahagyang itinirik ni Cel ang mga mata sabay subo ng isang piraso ng karne. “He is the talk of the town here.”
“Ano naman ang big deal doon? Ngayon lang ba nagkaroon ng foreign student sa school na ito?” sarkastikong tanong niya haba
