Matapos magpaalam nang maayos kina Mang Lauro, Aling Celing, Jace at Angelene ay sumama na si Talitha kina Misty papunta sa nakahimpil na motor boat. Bago umalis ay ipinangako niya sa mag-anak na babalik siya kapag maayos na ang lahat.
Bitbit ang malaking bag ay nauna siyang sumampa sa motor boat habang inaalalayan ni Luther. Nagtaka pa siya nang hindi agad sumakay sa bangka si Luther, Misty at Cel. Binuhay na ng boatman ang makina ng bangka. Maikling sulyap lang ang ipinukol niya rito. Nakasuot nang lumang long sleeves at maong ang lalaki. Malapad ang suot na sombrero nito at nakatungo kung kaya hindi man lang niya nakita kahit kapirasong bahagi ng mukha nito.
“Oh, ano pa’ng hinihintay ninyong tatlo? Akala ko ba nagmamadali tayo? Bakit hindi pa kayo sumasakay?”
“Sasakay kami p
