"Nag-dinner ba kayong dalawa ni Sean? Nakita ako ni bayaw mong hilaw ilang minuto bago kayo umalis ni Sean. Susunduin ka raw niya dahil nagluto ang ate Cara mo. Galit iyong mukha eh," pagkukuwento ni Dahlia.
Umirap si Elara. Hindi muna siya sumagot dahil may inaasikaso siyang customer. At nang matapos siya, doon lang siya bumaling sa kaniyang kaibigan.
"Oo nagluto nga si ate Cara pag-uwi ko. Iyon nga ang inalmusal ko kaninang umaga dahil hindi ko na kinain kagabi. Nabusog ako sa panlilibre ni Sean. Mayaman pala talaga siya. Pinagtatrabaho lang talaga siya ng daddy niya. Bale may kapatid pa siya. Kailangan nilang gawin iyon para makuha ang maiiwan sa kanilang mana. Ang galing nga rin ng daddy niya. Kahit na mayaman sila, gusto nitong maranasan ng anak niya ang hirap bilang isang normal na
