Nang makarating sina Clifford at Elara sa Baguio, nagtungo sila sa Burnham Park. Kilig na kilig si Elara habang pumapadyak. Kalimitang couples ang nakikita nilang naroroon o 'di naman kaya buong pamilya. Palinga-linga si Elara. Sobrang saya niya. Napatingin siya kay Clifford nang hawak ng binata ang kaniyang kamay.
"Masaya akong makita kang masaya. Ang laki ng pinagbago mo, Elara. Noong una kitang makita, sobrang lungkot ng mga mata mo. Gumuguhit sa mukha mo ang sakit at kirot. Pero ngayon, wala akong ibang makita kun'di saya. At masaya rin ako..." maramdaming wika ni Clifford.
Malawak na ngumiti si Elara sabay kagat labi. "Ikaw ang dahilan kung bakit masaya ako ngayon, Clifford. Salamat sa iyo. Pasensya na rin kung iniisip mong wala akong pakialam sa iyo dahil pinagtatabuyan kita. Pinop
