Episode 47
"Sigurado ka ba na gusto mo dito ka pa ring magtrabaho, Anna? Naandito sina Cludette." Tanong ni Belen.
"Anna, kung gusto mo, pwede kitang bigyan ng trabaho sa kompanya namin." Si Brent.
Napakasuwerte ko at nagkaroon ako ng mga kaibigan na katulad nila. "Hindi na, ayos na ako dito."
"Sigurado ka?" Tanong ni Brent. I nodded.
If only I could teach my heart to fall inlove to someone, maybe kay Brent ko itutuon ang pagmamahal ko.
Pero hindi ako ang taong nararapat kay Brent. Mayroong mas babagay kay Brent at hindi ako iyon. Dahil ibang iba ako sa mga babaeng mga nakakarelasyon niya. Wala lang ako kumpara sa mga nalilink at nakakarelasyon ni Brent dati.
Hinatid kami ni Brent sa department namin. Kami nalang ang kulang doon kaya mabilis kaming bumalik sa aming pwesto ni Belen.
