"A-ano?" tanong ko. Tinigil ko ang sasakyan sa gilid ng kalsada. "Break? Tayo?"
Pakiramdam ko'y nawalan ako ng lakas dahil sa mga sinabi ni Chantle. Tama ba ang narinig ko? Gusto na niyang makipag-hiwalay sa akin? Bakit? May mali ba akong nagawa na ikinagalit niya?
"Hindi ko na kaya, Lester," amin niya. Nagkatinginan kami. Nangingilid ang luha sa kanyang mga mata. "Akala ko kaya kong hindi pansinin ang mga sinasabi nila, pero hindi pala."
"Chantle..." inabot ko ang kanyang mga kamay at marahang hinaplos ang mga ito. "Sabihin mo sa akin kung ano bang gumugulo sa isip mo. But please, don't end our relationship."
"Nahihirapan na ako. Hindi ko na kayang tiisin ang mga sinasabi ng mga tao tungkol sa akin... sa atin," napayuko siya. "Mahal kita, pero hindi ko kayang tanggapin ang sinasabi ng
