Nang gumabi ay pumunta kami ni Win sa venue kung saan magpe-perform sina Wys. Inaya pa nila akong mag-inom pero syempre, 'di ako pumayag. Nabanggit ko pa sa kanila na babalik ako sa pagba-ballet na ikinatuwa ni Winwin. Bukas nga ay kailangan ko pang pumunta sa ballet company dahil may meeting at start na ng practice namin. Hindi ko pa nababalitaan kung anong genre ang ipe-perform namin, classical ba o contemporary.
"Iba talaga epekto sa'yo ni Art," ngiti ni Wys, natapos na sila sa performance nila.
"Oo nga pala, nakaalis na ba sina Katherine?" tanong ko.
Bahagya siyang natigilan at napahigpit ang pagkapit sa basong hawak niya. Nakita ko ang paggalaw ng panga niya at pilit na ngumiti. Napansin ko rin ang kanina pang pananahimik ni Tan. Nakakapanibago naman. Si Miguel at Win naman ay pat
