NYX
Habang kumakain kami ng lunch ay hindi ako tumitingin sa gawi ni Priam dahil natatawa ako sa mga ginawa at sinabi ni Rouie sa abogada na ka-meeting niya. Kanina pa siya mukhang iritado kaya ayaw ko ng dagdagan pa ang iritasyon na nararamdaman niya para sa akin!
Nang sumubok akong pakainin ng gulay si Rouie ay agad na iniwas niya ang bibig niya at saka tiningnan ako ng mariin.
“I told you I wanna eat anything but veggies!” Mariing saway niya at saka tinapunan ng tingin ang tinidor na hawak ko na may nakatusok na stir fry broccoli. Sinadya kong magpaluto nito para naman may makain na gulay si Rouie. Ang sabi ni Nanay Belen ay parati na lang daw na fried chicken at egg ang gusto niyang kainin. Kumakain naman daw ng ibang ulam pero hindi daw talaga kumakain ng kahit na anong gulay kaya
