NYX
“Skyline Villa?”
Hindi ako makapaniwala habang nakatingin kay Astrid. Sinabi ko kasi sa kanya na mukhang kailangan ko nang makahanap ng isang permanenteng trabaho dahil masyadong namomroblema na si Tam dahil sa Mama niya. Madalas na umuuwi ng lasing pagkatapos ay parati pa akong pinag iinitan. Ginagawa na nga lahat ni Tam para lang sundin ang Mama niya pero parati pa siyang stress dahil palaging nagbabanta na papalayasin ako. Minsan ay iniisip ko na ako na ngayon ang ginagamit ng Mama niya para mapasunod siya sa mga gusto nito. Nakaka-stress pero hindi naman ako pwedeng umalis para iwanan si Tam dahil alam kong kayang-kaya siyang ipagpalit ng Mama niya para lang sa pera.
“Oo. May alam akong job agency. Pwede kitang i-recommend na magtrabaho doon,” sagot ni Astrid. Mas lalong kumunot
