NYX
Wala sana akong balak na magpakita muna kay Atty. Revamonte pagkatapos ng huling pag-uusap namin dahil hindi ko kinakaya ang hiya sa mga nalaman ko. Pero sa tuwing makikita ko si Tam na tulala pagkatapos niyang lumabas para makipagkita sa mapapangasawa niya ay parang nadudurog ang puso ko na makita siya na nasa isang miserableng sitwasyon.
Kanina pa tapos ang oras ng trabaho ko pero hindi agad ako umuwi dahil gusto kong makipag usap at magtanong kay Atty. Revamonte kung ano pa ang pwede kong gawin para mabayaran ang mga utang nila Tam. Sigurado naman kasi na kapag nabayaran na ang utang nila sa bahay at lupa ay baka pwede ng umatras si Tam sa kasal.
Tingin ako ng tingin sa pinto habang naghihintay kay Atty. Revamonte. Hindi ko alam kung anong oras siya darating o kung darating ba si
