Parang isang kidlat lang ang weekend days na naramdaman ni Eloise dahil ngayon lunes na agad. Parang lantang gulay naman siyang pumasok ng room kanina dahil inaantok pa siya at hindi niya masyadong na-feel ang weekend sa hindi malamang dahilan.
‘Bakit ba parang ang bilis ng araw? Gusto ko pang humilata at matulog magdamag!’
Kasalukuyang nakapalumbaba si Eloise sa kanyang upuan habang nakatingin sa bintana na siyang kitang-kita ang buong kalangitan. Nakaramdam siya ng pagka-antok habang tinitignan ito.
Malapit nang bumigay ang talukap ng kanyang mga mata kaya hinayaan niya na lang ito pero agad din naman siyang napadilat dahil sa gulat nang hampasin ni Arkie ang desk niya.
Matalim niya naman itong tinignan. “Alam mo bang disturbo ka?”
Natatawang naman siyang sinagot ni Arkie, “Ala
