“Grabe, ang cute naman ni Rion. Nako, ang pogi nito kapag lumaki,” sabi ni Mea saka marahang kinurot ang pisngi ni Zarion.
“Hay, gusto ko tuloy magkaroon ng anak na blue-eyed,” sabi naman ni Alliah habang nilalaro-laro ang anak ko.
Naalala ko tuloy ang biglang pagsulpot ni Alliah ilang buwan na ang nakakaraan, kasal na siya ngayon. Gulat na gulat talaga kami no'n, ilang buwan siyang nawala tapos pagbalik niya kasal na siya. Awang awa kami kay Gio no'n, pero wala kaming magagawa. Hindi rin naman ipinakita sa 'min ni Gio ang totoong nararamdaman niya.
“Reign, nasaan nga pala si Rina my baby?” tanong naman ni Nestlyn. Napakamot ako sa batok ko.
“Nasa kwarto niya, nag-aalala nga ako kay Rina, napansin ko nagiging tahimik siya nitong mga nakaraang araw. Hindi ako mapalagay,” sabi ko na lang
