Pasimple lang akong napapatingin kay Zared na kanina pa tahimik na nagd-drive. Napakagat ako sa ibabang labi ko saka napatingin na lang sa bintana.
Bakit ko naman kasi tinanong ang bagay na 'yon? Ang insensitive ko masyado.
Napabuntong hininga na lang ako at muling tumingin sa kanya, hanggang ngayon napapaisip pa rin ako kung bakit gano'n ang naging reaksyon niya. Siguro sadyang ayaw niya lang balikan ang nakaraan.
Napatingin ako sa kamay niya na nakababa. Gustong gusto kong hawakan 'yon kaso nag-aalala ako na baka galit pa siya sa 'kin. Muli akong napabuntong-hininga saka tumungo.
Natigilan ako nang bigla niyang hawakan ang kamay ko. Nagtatakang napatingin ako sa kanya.
Itinigil niya ang sasakyan sa may gilid. Tumingin siya sa 'kin saka marahang hinaplos ang pisngi ko.
“I'm not ma
