Chapter 53
JILLIAN "Ano ba 'yang niluluto niyo Nay, subrang baho naman ng amoy--blaargh." mabilis akong nagtatakbo palabas ng bahay ng maramdaman kong parang may maasim na umakyat na naman sa lalamunan ko saka walang palyang nagduduwal sa tabi ng malaking puno. Kahapon pa masama ang pakiramdam ko. Lagi akong nangangasim at nagsusuka. Parang hinahalukay ang tiyan ko na iwan. Halos bumaliktad na nga e pero patuloy pa rin ako sa pagduduwal kahit wala namang laman, puro tubig at laway lang. Wala naman akong maalalang panis na nakain para sumama ng ganito ang tiyan ko. Hindi kaya nasubrahan ako kakakain ng hilaw na carrots na sinawsaw ko sa kalamansi? Nanghihinang sumandal ako sa katawan ng puno saka tumingin sa malayo. Ilang buwan na ang nakakalipas simula ng pinalayas ko si Marco dito sa bahay. Ila
- Writer
