Kabanata 54
A L E X A
“Gabriel, nandyan ka pala. Napadalaw ka?”
Isang tipid na ngiti ang isinagot nito. “I just want to give this to June,” sabay lahad niya sa isang box na sa tingin ko ay gaming console ang laman. “Is he awake now?” dagdag niya.
Bigla tuloy akong nakaramdam ng hiya dahil hindi ko alam kung gising na ba ang kapatid ko. Kadarating ko lang rin kasi pero mukhang naintindihan naman agad ni Gabriel iyon at tumango na lamang bago bumaling kay Liam.
“I see, you’re back together,” aniya muling bumaling sa akin. “Alam na ba ni June?”
Alam kong itatanong niya ito. Mahalaga sa amin pareho ang opinyon ng kapatid ko dahil ayaw na naming maulit ang nangyari noon. Kaya sigurado akong gusto rin ni Gabriel na ipaalam ang tungkol dito sa kapatid ko.
“Hindi pa pero sasabihin ko rin
