Kabanata 20
A L E X A
Nakipagkita ako kay Gabriel sa restaurant na napili ko. Hindi iyon mamahaling restaurant tulad ng nakasanayan niya pero sigurado akong maeenjoy niya pa din ang mga pagkain doon, dahil kahit naman apordable ang mga pagkain na hinahain sa restaurant na iyon ay may kalidad pa din ang mga ito at masarap talagang magluto ang may-ari ng restaurant na iyon.
Memorable sa akin ang resto na iyon dahil doon ko unang nadala ang mga kapatid ko. Iyon ang kauna-unahang restaurant na nakainan namin. Noong minsan nakaraket kasi ako at malaki ang kinita ko nag-request ang mga kapatid ko na kumain naman kami sa resto kaya pinagbigyan ko sila agad. Naisip ko noon, minsan lang naman iyon. Kahit paano gusto ko din naman na maranasan nilang kumain sa isang restaurant kahit hindi gaanong
