Kabanata 22
A L E X A
“Tulungan na kita d’yan,” sabi ko kay Belinda nang mapansing kanina pa siya pabalik-balik sa isang lamesa. Mukhang maraming inuutos sa kanya ang mga guest sa lamesang iyon.
Bumaling siya sa akin nang nakangisi.
“Kaya ko na ito. Doon ka na sa kabila. Mga bagets kaya madaming request,” aniya.
Narito kami ngayon sa isang event kung saan na offer-an kaming mag-serve. Madalas kapag may mga offer na ganitong trabaho tinatanggap agad namin ni Belinda dahil mas malaki ang bayad sa ganito at isang araw lang naman. Marami pang pagkain kaya nakakatipid kami may nauuwi pa ako sa bahay.
Noong kasama ko pa sa bahay ang mga kapatid ko tuwang-tuwa sila kapag may nauuwi akong mga pagkain sa kanila galing sa mga event na pinupuntahan ko. Minsan sinasama ko pa si Cheska para pare
