Selene
Para akong napako sa kinatatayuan ko habang pinagmamasdan ko sa di kalayuan si Louis. Nakatayo siya sa tapat ng unit ni Elias kung saan kami tumutuloy at matalim ang bawat tingin niya nung magawi ang tingin niya sa amin. Ano kayang ginagaw niya dito? Sino ang sadya niya rito?
Hindi siya lumapit sa amin at parang napako lang rin ang tingin niya sa kinaroroonan namin habang kami naman ay nag aalangang lumapit papunta sa kinatatayuan niya.
“What a surprise.” Sarkastikong bungad niya nung makalapit kami sa kaniya.
“What are you doing here? Paano mo nalaman na nandito ako?!” Mariin at sunod sunod na tanong sa kaniya ni Elias kaya napailing at napangisi si Louis.
“Hindi na yo’n importante, Elias. Nandito sana ko para kausapin ka eh. Kaso.. mukhang busy ka kasama ang asawa at ana
