ALAS DYES na ng umaga nang magising si Jaq, napangiwi s'ya nang maramdaman ang sakit sa ulo. Dahan-dahan n'yang inangat ang ulo at napa-aray nang maramdaman ang sakit ng leeg n'ya.
Nakatulog s'ya sa mesa habang may sampung bote ng beer na nakatayo dito at puro wala ng laman. Napahilot si Jaq sa sentido dahil ramdam n'ya ang kirot. Wala nga pala s'yang kain kagabi at uminom s'ya.
Ibinalik n'ya ang paghiga sa mesa nang maalala ang dahilan kung bakit s'ya uminom. Agad naman s'yang napabangon nang makarinig nang ipinatong na bagay sa mesa – sa tabi ng ulo n'ya.
Nakapikit ang isa n'yang mata habang ang isa ay dilat upang makita kung sino ang naglagay ng bagay na 'yon at lumikha ng ingay para maudlot ang nagbabadya n'yang pagbalik sa pagtulog. Pero nang makita n'ya kung sino ito ay napaban
