HABANG SAKAY sa motor at paglagpas sa ika-anim na burol ay nasisilayan na ni Jaq ang sakto lang sa laki na bahay na gawa sa nipa hut. Sa paligid nito ay naroon ang mga gamit gaya ng punching bag at iba pa na gamit sa pag-eensayo sa pakikipaglaban.
Ang lugar na ito na mas malayo at mas tago ay may magandang tanawin sa ibaba. Kitang-kita mula rito sa itaas ang kabu-u-an ng Manila at karatig lugar.
Mga nagtata-asang niyog at mga naglalakihang puno ng mangga ang nakapalibot sa paligid. Saktong-sakto lang sa motor ang daan para makapasok at maka-akyat na lugar na ito.
Nang maitigil ang motor at makababa ay excited s'yang pumasok sa bahay. Luminga-linga s'ya nang wala s'yang nakitang tao. Napa-iling s'ya nang makita ang tatlong bote ng beer na nasa mesa.
"Still not changing, old man."
