Chapter XXXXXXXXIII
Jessica Marie Padilla's POV
"Okay ka lang?"
Natigilan ako sa biglang tanong ni Marc sa may likuran. Kasalukuyang nagkakatuwaan ang mga bisita ko. Pumasok na muna ako para kumuha pa ng beer, at nagulat na lang ako na sumunod pala sa akin si Marc. Tumingin na muna ako sa bukas na pinto para silipin ang mga nasa labas bago siya balingan.
"Bakit hindi?"
Sumulyap din siya sa tinitingnan ko bago ituon ang paningin sa akin.
"I don't know, pakiramdam ko lang ay hindi ka komportable kanina pa."
Napailing ako na para bang hindi makapaniwala. "Akala ko naitago ko."
Nagpamulsa siya. "Hindi naman masyadong halata dahil mabait ka sa kaniya, it's just that I noticed that you're not talking to him alone."
Sumandal ako sa fridge. "Hindi ko naman kasi inaakala na darating si
