H U L I N G K A B A N A T A
Ashmer
“YOU’RE dying Dad and even though I still hate you for how you manipulate our lives, I still want to save you!”
Malakas na sigaw ang bumulaga sa amin ni Ashton pagbukas niya ng VIP room na kinaroroonan ng ama niya. Humigpit ang kapit ni Ashton sa kamay ko at napakapit naman ako sa braso niya’t pinisil siya roon nang makita ang ekspresyon ng mukha niya na malamang tulad ko’y hindi inaasahan ang aabutang lagay ni Don Miguel.
Payat, malaki ang tiyan at naninilaw ang ama ni Ashton. Malayong-malayo siya kay Don Miguel na kinausap ako ilang buwan na ang nakakalipas. Kahit na may katandaan na ay malusog at matipuno pa siyang tingnan noon.
“B-bakit ka ba nakikialam sa kagustuhan ko?! Anak lang kita! A-ang gusto ko iuwi mo ako sa Isla del Fuego. G-gusto ko
