BIGLANG napatayo si Bithia nang makita si Fergus na nakatayo sa kanyang harapan. Nagtatagis ang bagang nito na salubong ang kilay habang matiim na nakatingin sa kanya. Sobrang dilim ng mukha nito na nababanaag ang matinding galit.
Nanuot ang takot sa kanya at napaatras.
"What did I tell you, Bithia? Sinusuway mo na naman ako." Madidiing sabi ni Fergus. Napalunok ng sariling laway ang dalaga nang makita ang sobrang galit sa mukha ng binata.
"N-Nagtatrabaho ako. Saka, ano bang pakialam mo? Umuwi ka na, marami pa akong gagawin."
Kita ni Bithia ang bawat pag igting ng panga ni Fergus, maging ang bawat pagkibot ng labi nito. Kuyom ang mga kamao nito na nakatunghay sa kanya.
"Talagang hinahamon mo ako, Bithia! Gusto mo atang kaladkarin kita palabas ng Abel Groups. Ano, gusto mo bang simulan
