Walang tigil ang pag-agos ng kanyang luha habang nag-iimpake ng mga gamit nila, wala siyang ibang maisip ng mga oras na iyon kung hindi ang umalis at magpakalayo-layo.
Pinaglaruan at pinapa-ikot-ikot lang pala siya ng amo, ang masaklap pa roon ay ang katotohanan na mayroon pa talaga itong video ng naturang pangyayari.
"Mama, bakit ka po naiiyak?" saad na lang ni Miko.
Napatingin na lang siya sa anak na kumakalabit sa kanya, pilit lambing siyang inaalo nito.
Parang mabilis na sumapak sa kanya ang realisasyon nang mapansin ang hawig ng anak kay sir Luke.
Napatakip na lang siya ng mukha upang maitago ang matinding dalamhati sa bata, pero hindi niya napigilan ang mapahagulgol sa tindi ng sama ng loob.
Ganoon na lang ang pagkadurog ng puso niya sa katotohanan na sumambulat sa kanya n
