Pagkabalik nila ng Maynila ay agad siyang tinawagan ng dalawa at niyaya sa bar na palagi nilang tinatambayan. Tatanggi sana siya kundi lang sinabi ni Sean na may importante itong sasabihin sa kanya.
"Bakit ngayon ka lang? Kanina ka pa namin hinihintay?" tanong ni Sean. And when he looked at Rome, tumango lang ito sa kanya bilang pagbati. Kilala niya ito kaya hindi niya maisip kung bakit bigla niya itong pinaselosan!
Siguro ay nadala lang siya ng kanyang emosyon dahil kung kakapain niya ang nararamdaman ngayon, wala naman siyang makapang selos dito. Praning nga lang din siguro siya minsan.
Imbes naman sa sagutin si Sean ay nagsalin ng alak sa baso saka iyon mabilis na itinungga. Gumuhit ang mainit na likido sa kanyang lalamunan.
"Whew!" bulalas ni Sean. "Hinay-hinay lang, pare!"
Hindi
