Chapter 31
Drixx's POV
Nakasunod lamang ako sa sasakyan ni Bart. Hindi ko mapigilan ang sarili na kabahan. Limang buwan ko s'yang hindi nakita. Hindi ko alam kung galit pa rin ba siya sa akin. Natatakot ako na baka ipagtabuyan niya ako. Sana mahal pa niya ako. Dahil ako, mahal ko pa rin siya. Mahal na mahal ko pa rin ang misis ko.
Ilang oras naming tinahak ang daan patungo sa lugar kung saan siya naroon. Habang nasa daan ay tahimik akong nanalangin na sana ay nasa maayos na kalagayan si Mier. Nilukob kasi ako ng takot sa sinabi ni Bart. Sana naman ay wala siyang sakit. Ako ang mas higit na masasaktan kapag nakita kong nahihirapan siya.
Bumagal ang takbo ng kotse ni Bart. Lumiko ito bandang kanan ng daan. Pinasok namin ang makipot na daan. Kalauna'y huminto ang sasakyan nito. Itinigil
