Habang nasa sasakyan ay panay ang lingon ni Maria kay Kino. Gusto niyang itanong ang tungkol sa babae kanina sa SMU. Kilala nito ang babae base na rin sa pangalang binanggit nito kanina. Pero hindi niya maibuka ang bibig dahil mukhang may malalim din itong iniisip. Tahimik din kasi si Kino habang nagmamaneho at naisip niya na baka pagod ito.
"S-saan tayo kakain?" sa halip ay iba ang tanong na lumabas sa bibig ni Maria.
"Where do you want?" tanong nito habang nasa daan parin ang tingin. Saglit siyang napakunot noo dahil mukhang nakalimutan nitong hindi niya kabisado ang lugar.
Ilang segundo lang naman ang dumaan nang mapagtanto ni Kino ang sinabi at masuyo siyang tiningnan.
"I'm sorry. I was just- May iniisip lang ako." anito.
Ngumiti lang si Maria at tumango.
"Kahit saan naman
