MARIA'S POV-
"Aalis ka ba ulit?"
Napalingon si Kino sa tanong na iyon ni Maria. Kakagising lang niya at kalalabas naman ng lalaki galing sa bathroom. Kasalukuyan pa itong nagkukoskos ng tuwalya sa buhok nang magtagpo ang mata nila.
"Y-yes, baby.." nag-aalangan ang boses nitong sagot. Pagkatapos ay dahan-dahan itong lumapit sa kanyang gawi at tumabi ng upo sa kanya sa kama.
Gustuhin man niyang magkunwaring okay lang sa kanya ay hindi na talaga niya kinaya. Dalawang linggo na yata ang dumaan mula nang halos araw-araw ay umaalis ang lalaki. Ang palagi nitong dahilan ay may biglaang meeting, may kakausaping investors o di kaya ay may event itong pupuntahan.
Niyakap siya ng lalaki at hinaplos-haplos ang kanyang tiyan. Kasabay niyon ay ang paminsan-minsang paghalik nito sa kanyang buhok.
