"SORRY if I'm gone for a week," kaagad na sabi ni Alexander Chase nang makasakay sa kotse si Cloudy.
Tiningnan siya nito. "Ang akala ko—"
Pinutol niya ang sasabihin ng dalaga sa pamamagitan ng mabilis na halik sa labi nito.
Napasunod ito ng tingin sa kaniya nang iwan niya agad ang labi nito. Napangiti siya, bakas ang pananabik sa mga titig nito.
"Kumusta na ang Mum mo?"
"Ayon, sabi ng doktor kapag hindi bukas sa makalawa p'wede na siyang makalabas," sabi nito habang hinahagod siya ng tingin.
"Mabuti naman kung ganoon." Hinagod din niya ito ng tingin. "Paano naman kita maidi-dinner date n'yan kung mas lalaki pa 'ata sa akin ang porma mo?" napangiting tanong niya rito.
'Tapos naka-slippers ka lang,' dugtong niya sa isip.
Boyish itong tingnan sa cargo pants na suot nito, gaya ng
