" Let go of my girlfriend," madiin niyang bigkas. Napakalakas ng tugtog ng musika pero sapat ang kanyang tinig upang marinig ng aking mga kasama ang kanyang binigkas na salita.
Rinig ko pa ang naging pagsinghap ni Jack pagkadinig sa sinabi ni Drix.
Tila ibinabaon niya sa hukay ang lalaki sa aking tabi kung titigan niya.
" Mr. De Agassi? B-boyfriend mo si Mr. De Agassi?" ani Jack sa tabi ko.
Nagpalipat- lipat ang tingin sa amin ng mga kasamahan. Kitang-kita ko ang labis na pagkagulat sa kanilang mga mukha. Ang bawat isa sa kanila ay may mga tingin na punong-puno ng tanong.
" I said let go of my girlfriend," nagtatagis ang bagang na ulit niya.
Nakaramdam ako ng pangamba ng muling magsalita si Drix. Tarantang hinila ko ang aking kamay na hawak pa rin pala ni Tony. Humakbang ako palapit
