-----
Andrea Samonte
"O, Ano'ng nangyari sa'yo, Isaiah?!" gulat na bulalas ni Inay ng makita kami. Nang naglalakad na kami papunta sa bahay ay napansin ko ang nakangiwing si Isaiah at kahit hindi niya sabihin ay alam kong sumakit ang likod niya, marahil ay nang sapuhin niya ako.
Labag man sa kalooban niya ay pilit ko siyang inalalayan hanggang sa makauwi. May nararamdaman din akong guilt dahil alam kong ako ang may kasalanan kung bakit siya nasaktan.
"Ah, eh ka---"
"Nadulas ho ako. Hindi po kasi ako tumitingin sa dinadaanan ko." pagputol niya sa sasabihin ko.
Tinignan ko siya at pinanlakihan ng mata pero kumindat lang siya at umiling na para bang sinasabing huwag ko nang sabihin ang tunay na nangyari.
"Ay diyaske kang bata ka! Ano'ng masakit sa'yo? Dadalhin ka na ba namin sa hospi
