Pagkatapos ng nangyari sa Salon ay dumiretso na si Lenneth sa bahay, nadatnan niya roon si Andrew na tila seryosong may kausap sa telepono. Nilapitan niya ito at humalik sa pisngi bago nagtuloy sa kanyang kuwarto upang magbihis. Wala ang kanyang anak, ipinaalam sa kanya ng kambal niyang kaibigan kanina para ipasyal.
Tumunog ang kanyang telepomo, tiningnan niya muna kung sino ang tumatawag sa kanya at nang makitang si Kenneth ay agad niya iyong sinagot.
“Hello?” wika niya.
“Hi! I just want to ask if you’ve changed your mind. Tumawag ako sa office niyo at sinabi ng sekretarya mo na maaga kang umuwi. Is there another emergency meeting?”tanong agad nito.
“Huh, wala naman. Umuwi lang ako ng maaga para makapag-palit ng damit. Hindi naman kasi akma ang suot ko sa pagkikita n
