MABILIS na nakatulog si Tam, matapos niya muling umiyak. Gusto ko sanang ikwento ang lahat ng nangyari nung tulog siya, pero mas maganda siguro kung sa susunod na lang. Isinara ko ang bintana ng aking kwarto na nakabukas, ngunit napansin kong may nakatingin sa akin mula sa rooftop ng tapat ng bahay namin. Tinanaw kong mabuti at nakita ko si Papa na nakasuot ng Midnight gear niya. Kumaway siya at kinawayan ko rin siya. Safe na safe pala kami kasi may nagbabantay sa labas.
Bumalik ako sa kama sa tabi ni Tam at bigla namang tumunog ang phone ko. May nag-message kaya’t binasa ko ito.
Good night! I miss you already.
-Nix
Napangiti ako at kinilig kaya’t agad akong nag-reply.
Good night din!
-Shana
Nawala ‘yong antok ko sa message ni Nix kaya’t naisip kong bumaba muna at uminom ng tubig. P
