PAGKATAPOS ng speech ni Dean Melody, pormal nang sinimulan ang party. Nakakuha na ako ng makakain ko at dinala ko ito sa lamesa namin. Wala pa rin si Tam at kahit isa, wala rin siyang message sa phone ko. Nagtatampo na ako.
Nasa gawing kanan namin sina Ate Kat at Kuya Dante. Nasa separate silang lamesa. Nakaakbay si Kuya Dante kay Ate Kat habang nakatingin sa stage at inaabangan na magsimula mag-perform ang banda ni Zed. Sina Nix at Cara naman ay nasa gawing kaliwa sa kabilang lamesa. Tumingin ako sa kanila. Nagsasalita si Cara ngunit diretso lang ang tingin ni Nix na parang hindi niya pinakikinggan ang sinasabi ng kasama. Bigla siyang napatingin sa akin at nginitian niya ako. Agad ko namang iniwas ang tingin ko at kumain na lamang.
“Shana! Okay ka lang ba diyan? Gusto mo ba rito ka mu
