NAPATIGIL si Catherine mula sa paglalakad nang makita niya si Travis na nag-aabang na sa kanila mula sa labas ng condo niya. Hindi niya inaasahan na makikita ito ng sandaling iyon.
Humigpit naman ang pagkakayakap niya sa anak habang buhat-buhat niya ito, nakatulog na ito sa bisig niya habang nasa biyahe sila pauwi ng condo niya. Nang umalis ang tatlo sa opisina ay nagpalipas din sila ng isang oras bago din sila umalis ni Calvin dahil hindi din siya makakapag-trabaho ng maayos sa ganoon kalagayan ng anak. Lalo na at pansin niya ang lungkot ng mga mata nito ng umalis si Travis kasama si Lianne at ang anak nitong si Tyler. Ayaw sanang umalis ni Travis sa opisina at sinabi nito kay Lianne na umuwi na ang mga ito dahil may gagawin pa daw ito. Pero ang anak nitong si Tyler, nag-alburoto. Umiya
