AFTER FIVE YEARS...
"MOMMY."
Lumawak ang ngiti sa labi ni Catherine nang marinig niya ang boses na iyon ng apat na taong gulang na anak na si Calvin pagkapasok niya sa loob ng bahay. At nang makita niya itong palapit ay agad niyang ibinuka ang dalawang kamay para salubungin ito.
At nang tuluyang makalapit ay agad niya itong binuhat. At mas lalo siyang napangiti nang halikan siya nito sa pisngi. Nang sandaling iyon, pakiramdam niya ay lahat ng pagod na nararamdaman niya sa maghapong trabaho ay biglang naglaho.
"How's my baby Calvin doing?" tanong niya sa anak habang may ngiti pa din sa labi.
"I'm fine po, Mama. Tita Mae, teach me po how to color," sagot nito sa kanya. Ang Tita Mae na tinutukoy nito ay ang nag-aalaga dito habang abala siya sa maliit na coffee shop na pag-aari niya.
