MAY munting programa ang inihanda ang mga bata bilang pasasalamat sa mga tumutulong sa mga ito.
May inihandog ang mga bata ng isang kanta para sa kanila.
Hindi naman nila maiwasang maging emosyonal ng sandaling iyon. Lalo na siya, dahil buntis ay mas lalo siyang nagiging emosyonal, mabilis lang kasi siyang maiyak.
At mayamaya ay bumaba ang tingin ni Catherine sa kamay niyang nakapatong sa hita niya nang may maramdaman siyang mainit na kamay na humawak doon.
At hindi niya napigilan ang mapakurap-kurap ng mga mata nang makita niya ang kamay ni Travis na humawak sa kanya. Nakita nga din niya ang pagbukas nito sa palad niya at ang paglagay nito doon sa asul nitong panyo. Saglit siya doong tumitig sa kamay nilang magkahawak hanggang sa nag-angat siya ng tingin patungo dito.
At agad na s
