"Lena! Lena! Gumising ka! May problema. Sumugod si Aleng Criselda! Hinahanap ka," sigaw ni Marya mula sa labas ng aking kuwarto. Nahihilo na tumayo ako at pinagbuksan ng pinto ang babae. Pagkabukas ko ay sumalubong sa akin ang mukhang tanga nitong pagmumukha. Nginangatngat kasi nito ang sarili kuko habang halos magdikit na ang kilay sa noo na tila ba nawawalan na ito ng pasensya.
Ako naman ay naguguluhan kung bakit gan'yan ang reaksyon ng kaibigan. Umagang-umaga at binubulabog na naman ako nito ang pagtulog ko. Atsaka bakit mukhang galit ito?
"Ano ba 'yon, Marya?" nanghihina na tanong ko sa kaibigan. Halos hindi ko pa maibuka nang maigi ang nakapikit kong mga mata dahil sa pagod at kawalan ng tulog ko kagabi. Sino naman ang gaganahang matulog kung pinepeste rin ako ni Samuel? Hindi rin
