Pagdating sa hotel ay pabagsak kong inihiga ang sarili sa malambot na kama. Ngayon pa lang ay binabagabag na ang kalooban ko sa bakasyon kong 'to. Bakit naman kasi sa dinami-dami ng araw sa buong buwan na 'to ay saktong ngayong araw rin ang seminar ng lalaki? Atsaka sa parehong hotel pa talaga kami nag-check in. Para bang sinasabi ng tadhana sa akin na hindi ako makakatakas kay Lucho. Nandito ako para mag-relax pero mukhang isang linggo akong mamomoroblema at kakabahan. Alam naming dalawa ni Lucho na hindi namin kayang tanggihan ang katawan ng isa't isa. Paano ko siya iiwasan kung halos ipagduldulan na siya ng pagkakataon sa akin?
"Grabe! Ang gara rito, Lena," masayang sambit ni Marya. Galing ang babae sa kabilang kuwarto nitong suite na kinuha ni Mayor Salcedo sa amin.
Isang executive
