Chapter 61
“Ayane, bakit kailangan namin magtago ni Ren?”
Hila-hila ni Ayane ang kaniyang ina habang si Ren ay nakasunod sa kanila habang buhat buhat nito ang alaga nitong pusa na si Hirai at nagbabantay naman mula sa likuran si Yuriko. Alam ni Ayane na kahit dumating ang mga kaibigan ni Demon ay hindi parin niya masisiguro ang kaligtasan ng kaniyang ina at kapatid. Alam niyang naguguluhan ang kanyang ina sa kinikilos niya at kahit gusto niyang magpaliwanag ay hindi niya magawa dahil baka may isang kalaban na makalusot kina Paxton at sundan siya.
Dere-deretsong hinila ni Ayane ang kanyang ina hanggang makarating sila sa hagdanan pababa kung saan naroon ang kulungan na kinalalagyan ni Ichika at ng ina nito. Agad niyang ibinaba doon ang kanyang ina habang nakasunod lang sa k
